7301 -

7301. మదిలో భావాల ముడి వేసేసా..అక్షరాలో చోట కలిసుంటాయని..

7302. నేల జారుతోంది వెన్నెలంతా..ఎన్ని మనసులు తడపాలనో..

7303. కలలోకొచ్చెస్తాలే..నీ కనులకు కానుకవ్వాలనుందీ రేయి..

7304. అక్షరానిదే ఆనందం..అమరమై నిలిచిపోతుందని ఎప్పటికీ..

7305. నడతను నేర్పుతుంది కాలం..మున్ముందు అడుగు తడబడరాదనే..

7306. హృదయస్పందనల వెల్లువలు..నీ జ్ఞాపకాల మృదుస్పర్శలు..

7307. కన్నులపండుగ నాదేగా..నువ్వెదురైన రోజులల్లా..

7308. కనకాంబరమవనా కనుపాపల్లో..సుతిమెత్తగా దాచుకుంటావంటే..

7309. కథనం మొదలైందిక..కొత్త పూలతో నన్ను పోల్చుకోవాలిక..

7310. ఒంటరయ్యా నేనిక్కడ..నా ప్రాణం నీలో కలిసినప్పుడే..

7311. నిద్దుర కరువైన రాతిరది..ముద్దుల చప్పుళ్ళతో మోగిందని..

7312. ఆగి చూస్తుంది నిన్ననుకున్నా..నేడొచ్చి రేపట్లోకి ప్రయాణిస్తున్నా..

7313. చూపులతో ఒడిసిపట్టకలా..తొందరలో వాడిపోగలనలా..

7314. ముద్దులతోనే పూరిస్తుంటావు..నేనలమటించే క్షణాలన్నింటినీ..

7315. స్మృతులను చేజార్చుకున్నా..మనశ్శాంతి కరువవుతుందని..

7316. మరుపు మందేసేది కాలమే..కొన్నాళ్ళు వేచి చూడాలంతే..

7317. నిదురకు దూరమయ్యా..కలలు కనలేని యాతనలో నేను..

7318. గుండె గాయమయ్యింది..ఓదార్చాలని చూస్తున్నానందుకే..

7319. నీ తలపులెప్పటికీ మధురాలే..నాలో ఉత్సాహాన్నిలా పెంచుతూ..

7320. గతంలోంచీ నడిచొచ్చేసా..ఈ జ్ఞాపకాలతో నేను ఇమడలేనని..

7321. మనసు మెరుస్తూనే ఉంది..నీ భావంలో నన్నుంచావని..

7322. రెప్పలు మూయనప్పుడే అనుకున్నా..నా పెదవుల్ని తడిమేస్తున్నావని..

7323. మనసు ముసురేసినందుకే బాగుంది..నేనో నెమలినై ఆడాలనుంది..

7324. గెలిచినట్టే ప్రేమ..ఒక్క బంధం ఇద్దర్ని ముడేసిందంటే..

7325. అగుపిస్తూనే గమ్యం..అడుగులెందుకో ఆలశ్యం..

7326. చీకటైతే ఊహల చప్పుడు..కలల కోసం తొందరేమోనది..

7327. మనసెందుకో లొంగనంటుంది..గమ్మత్తులో ఉన్నట్టుందిప్పుడు..

7328. పదాలు పేర్చానలా..నీ పేరున కవిత్వమై కనిపించిందలా..

7329. తెలుగు తీపి తెలుస్తోంది..మాటలన్నీ తేనెలై జాలువారినందుకే..

7330. ప్రేమే అది..అప్రమేయమై అనంతమయ్యిందంటే..

7331. నువ్వేసిన వల నిజమే..నే కలవరింతలు నేర్చానంటే..

7332. మనసంతా సందడే..ప్రతిరోజూ నీ రాకతో పండగవుతుంటే..

7333. ముచ్చట మధ్యలోనే ఆగింది..మౌనం మనసుని ముసిరేయగానే..

7334. భావాల అత్తర్లవి..పగలూ రేయీ పరిమళిస్తూనే ఉంటాయవి..

7335. గమనించనేలేదసలు..నీ ఊసులు అత్తరు గుత్తులవుతున్నట్లు..

7336. గమ్యం తెలిసుంటే చాలనుకుంటా..జీవిత గమనమో సులభమవగలదు..

7337. ఊహకు కందని అక్షరాలివి..అరచేతిలో నువ్వు దాచినవి..

7338. బాల్యమో తీరని దాహం..తలచేకొద్దీ ఊరే జ్ఞాపకాలతో..

7339. పరవశం నిజమే..మన పరిచయం పరిథి దాటినందుకు..

7340. నిద్దట్లో కలవరించా..కలగా వస్తావన్న ఆశ నిజమవుతుందని..

7341. అలలా వచ్చినా చాలనుకున్నా..రెప్పలఒడ్డులో నే నిలబడుంటా

7342. సప్తసంద్రాల ఆవల ఉన్నావనుకున్నా..సప్తస్వరాల్లా మనం కలిసేవరకూ..

7343. సర్వారాధనీయం కమనీయం..రమణీయలోలుని లీలావిలాసం..

7344. వెనుదిరిగిన స్వప్నాలవి..రేయంతా నువ్వు నిద్రించేలా లేవని..

7345. మోహనవంశీ రాగాలాపనది..రాధ గుండెల్లో సదా మోగుతుండేది..

7346. కదం తొక్కుతున్న కలమది..అలవోకగా కావ్యాలను రాసేస్తుంది..

7347. గుండె కావేరే..కలలు నిజమైతే..

7348. గట్టు తెగేలా కన్నీరు..ఉప్పెనయ్యే సూచనలెందుకో మరి..

7349. జ్ఞాపకం స్రవిస్తుంది మనసులో..కన్నీరై కనిపిస్తుంది కలంలో..

7350. కన్నీరు కలమయ్యింది..గుండెతడిని రాసుకుంటూ..

7351. మనసుకి సంచలనమే మరి..నన్ను వీడి నిన్ను చేరిందంటే..

7352. మనసు బరువు హెచ్చుతోంది..నువ్వు దగ్గరైన ప్రతిసారీ..

7353. కవనంగా లిఖిస్తా..నీ మనసు నా సొంతమన్నావంటే..

7354. రేయి పగలబడి నవ్వుతుంది..మన స్వరాలు ఆలకించినట్టుంది..

7355. నిజం కనుమరుగయ్యింది..కలలకు పరిమితమయ్యి..

7356. రసోదయమై రవళించు..ఓసారి పులకరించాలనుంది..

7357. కన్నులకెప్పుడూ మక్కువే..కలలన్నిటా నువ్వొస్తావంటే..

7358. 

I’m protected online with Avast Free Antivirus. Get it here — it’s free forever.

7201 - 7300

7201. నిన్నూ నన్నూ కలిపిందదేగా..మన జీవన వేణువైన రాగం..

7202. నే పిలిచి ప్రయోజనమేముందిక..నీ జ్ఞాపకాలలో నువ్వున్నాక..

7203. రానురానూ శిలనైపోతున్నా..ప్రేమ ఉలి తగలనందుకే..

7204. నీ కవితకి అనువాదమవ్వాలనుంది..నన్ను ఊహగా రాస్తావంటే..

7205. ముందు నడకే కాలానిది..నన్నలా జ్ఞాపకాలలో విడిచేస్తూ..

7206. పసి ప్రాయమది..నిత్యం పాలనవ్వులతో వర్ధిల్లేది..

7207. గంపెడు భావాలయ్యాయి..గుప్పెడక్షరాలే కదాని మనసు అనుకోగానే..

7208. మధువునే నేను..నువ్వు తాగిచూడలేదంతే..

7209. కలత పడనింక..కలవరాన్ని కాదనుకున్నాగా..

7210. పలుకెప్పుడో చిన్నబోయింది..నీ మౌనం బాణంలా గుచ్చి..

7211. వాస్తవాన్నందుకే ఇష్టపడుతున్నా..కల నిజమైందని..

7212. నీ చిరునవ్వే సాక్షి..ఈరోజు వెన్నెల కురిసిందనడానికి..

7213. శిలగా మారింది హృది..ఎన్ని దెబ్బలు తట్టుకుందనో మరి..

7214. జ్ఞాపకమెందుకయ్యానో..నన్ను కాదనుకుని నువ్వు దాటెళ్ళినందుకేగా..

7215. కథలెన్ని రాసేసావో..ఒక్క కలా నిజం కాకపోయినా..

7216. నా మాటలు ముత్యాలేగా..నీ మనసుకి నచ్చి నవ్వుతున్నావంటే..

7217. రహస్యమందుకే అయ్యా మనసులో..కాస్త చోటిచ్చి పిలిచావని..

7218. అదే కలకలం..కలలో నువ్వు నాకు అపరిచితమైనట్టు..

7219. మదిలో మెదిలిన అక్షరమే..కవనమై కళ్ళెదుట నిలిచింది..

7220. అనురాగమలా గెలిచింది..ప్రేమ పదిలమయ్యి..

7221. అధర్మానికి అలుపు రాదు..నిజాయితీ నిద్రిస్తున్నంత సేపూ..

7222. కన్నులు రెండేగా..కలలు అనంతమై నిన్ను చూపిస్తున్నా..

7223. మనసు పులకిస్తోంది..ఋతుపవనాలిచ్చిన గిలిగింతలకి..

7224. చరణమందుకే కలిపాను..నీ పల్లవిలో నా పేరుందని..

7225. కళకళలాడుతున్నావందుకే..కలలో కళలన్నీ నేర్చేసినట్టు..

7226. కలతయ్యింది వాస్తవం..కల ముగిసినందుకే..

7227. నీ వలపుల నుడి..నాకు నెలవైన గుడి..

7228. ప్రతీక్షణ విషాదమే..కాలమలా కదిలిపోతుంటే..

7229. వైశాఖం వర్షిస్తోంది..నీ మదికి పండుగ తేవాలనే..

7230. మనసునాపలేకపోయా..నిన్ననుసరిస్తూ తానొస్తుంటే..

7231. కల నిజమైంది..నీ కవితగా నన్ను చేరిందనే..

7232. నువ్వొస్తూనే అలజడి..ఎన్ని హృదయాల పండగో మరి..

7233. మాటలన్నీ మూట కట్టేసా..నీ ఎదుట కుమ్మరించాలని..

7234. మారాకేసింది మనసు..నీ వలపు చివుర్లు తొడుక్కొని..

7235. చురకత్తుల్లా నీ చూపులు..ఆకులాంటి మనసుల్ని కోసేస్తూ..

7236. అంగలేసినా అలసిపోలేదందుకే..విజేతనై నిలవాలని..

7237. అపురూపాలే నీ చూపులు..నన్ను అనుసరిస్తున్నన్ని  రోజులూ..

7238. అంతుపట్టని రోగాలే ఇప్పుడన్నీ..ప్రకృతి సమతుల్యం లోపించాక..

7239. మనసు తడుస్తున్నది నిజమే..నీ ఆర్ద్రతను తాగినట్టుంది..

7240. అపరిమితమవుతూ కాలం..మన ఇష్టాలు నిజం చేసుకోమని..

7241. కాలం చెల్లని అనుభూతులు..మదిలో పదిలం చేసాననే..

7242. గతమైతేనేమి జ్ఞాపకాలు..భవిష్యత్తులో నడిపిస్తున్నవవేగా..

7243. అరిగిపోదు అనురాగమెప్పుడూ..ఆపుడప్పుడూ అలసినట్టనిపించినా..

7244. నా కన్నులు కనకాంబరాలే..మెత్తని నీ ప్రేమనాలకిస్తూ..

7245. దారి తప్పుతున్నా ప్రతిసారీ..కలలో కనిపించిన నిన్ను వెతకలేక..

7246. ఆశించడం మంచిదయ్యింది..నీ మనసిలా నన్ను చేరింది..

7247. అజ్ఞాత శిలగా మిగిలిపోయా..నీ ప్రేమ ఉలి తగలనందుకే..

7248. చిలిపి తమకంలో తడిచిపోతున్నా..నువ్వు గుర్తొచ్చిన ప్రతిసారీ..

7249. గాయపరిచి మాయమయ్యావెందుకో..నన్నో కావ్యంగా మలుస్తావనుకుంటే..

7250. నేనెప్పుడో నిశ్శబ్దమయ్యా..నీ వలపుకి దూరం చేసినందుకు..

7251. నీ తలపుతోనే ఉషస్సు..ఊహలకు రెప్పలు విచ్చినట్టు..

7252. పల్లవి పాడుతూ మనసు..నీ హృదయానికి స్పందిస్తూ..

7253. నీ కవిత కెరటమై తాకింది..నా నవ్వులే తీరమని భావించి..

7254. నీ భావనకే పులకిస్తున్నా..నన్ను ఆహ్వానించేందుకు కవితవయ్యావని..

7255. పరువాన్ని పదిలం చేసేసా..నీ చూపులకే అప్పగించాలని..

7256. చరణాలు కలిపినప్పుడే అనుకున్నా..అనురాగంలో జత కలిసుంటావని..

7257.  వివశమైన తారలెన్నో..నీ భావాల జాబిల్లికి దగ్గరవ్వాలని..

7258. పదమై కలుద్దామనుకున్నా..ఒక వాక్యంగా మనమవుతామని..

7259. నీ పలుకులనే ఆలకిస్తున్నా..చిలుకలు అనుసరించేలా ఉన్నాయని..

7260. ఆహ్లాదమంటేనేమో అనుకున్నా..నీ మాటలు వినక మునుపు..

7261. తాళాన్ని నేనే..నీ శృతిని సమంగా అనుసరిస్తూ..

7262. గుండెకి గండి పడింది..కన్నీటిని ఆపే ఆనకట్టేయాలిక..

7263. వెదురుపుల్లే కదా అనుకున్నా..వేణువిన్ని రాగాలు దాచుకుందని తెలీక..

7264. ప్రేమ అడుగంటిపోయింది..ద్వేషం పైకెగెసినందుకే..

7265. కష్టమో కొలిక్కొచ్చింది..ఇష్టాన్ని వ్యక్తీకరించగానే..

7266. వెన్నెల్లో విరహం..నిన్న మందారమని పాడుకున్న గీతం..

7267. నీ ప్రతిస్పందనే..నేనిన్నాళ్ళూ కోరుకున్న బదులు వాక్యమిది..

7268. వలపు సెగలు రేగెనిక్కడ..నీ తలపుల రాయబారానికట..

7269. కొండెక్కింది జీవితం..వ్యామోహం మితిమీరిందనే..

7270.చూపునందుకే వాల్చేసా..నా సిగ్గు నీకు మెరుపవ్వాలని 

7271. నిజాలైన కలలు..నీ క్షణాలు నాకు రాసిచ్చాక..

7272. అదే పల్లకి..నీ ఊహలతో నిత్యం ఊరేగిస్తున్నట్టు..

7273. అదృష్టం లేని జీవితాలవి..ఆనందానికి ఎన్నడూ నోచుకోక..

7274. అలవాటైన అశ్రువులే..మనసు గాయపడినప్పుడల్లా బయటకొస్తూ..

7275. తనివి తీరింది లేదు..కాలం కదలికలు ఆపనందుకే..

7276. అందమంతా నాదే..నిన్ను అలరించిందంటే..

7277. ఎదురు కాకుంటేనేమిలే..నీ భ్రమలో నేనెప్పటికీ నిజాన్నేగా..

7278. నిరాశ నాకెందుకు..నా రాశికి నువ్వు సరిపోయినప్పుడు..

7279. నిన్నటి స్వప్నం నిజమయ్యింది..వంటబట్టిన నీ వలపు నాదైనట్టు..

7280. సమయాన్ని వెచ్చించాననుకున్నా..చిల్లర మాత్రం మిగులుతుందనుకోలా..

7281. కాలం విలువ పెరిగింది..తన వేగాన్ని అనుసరిస్తూ విజయమొందానని..

7282. కాలమూ..కాసులూ ఒకటే..విలువిచ్చినంత వరకే అక్కరకొస్తాయి..

7283. కలలు నిత్యమే..నన్ను కలవరిస్తున్నందుకు..

7284. రేరాణివి నీవేలే..చీకటైన ప్రతిసారీ..

7285. అరవిందనై నవ్వుతున్నా..జాబిలివై నన్ను దరి చేర్చావని..

7286. పగటి నిద్రకు సిద్ధమయ్యా..కలలోనైనా నన్ను కౌగిలిస్తావని..

7287. పులకిస్తున్నా పందిరిలో..మల్లెలరాతిరి సిద్ధమయ్యిందని..

7288. కలనైతేనేమి..నీ జతగా జీవితాంతం నేనుంటుంటే..

7289. ఊపిరెప్పుడో ఆగింది..నీ మాటలు కరువైన సంధి..

7290. పరువం ఝల్లుమన్నది నిజమే..నీ యుగళానికి మత్తిల్లినట్టుంది..

7291. నిన్నటి కలలే..రేపటికి నిజమవ్వాలని నా ఆశలు..

7292. అంబరం ఒదిగిపోయిందలా..నా గుండెలో ప్రేమగా రూపెత్తి..

7293. వేకువ కావడం తప్పదు..నిశీధెంత భయం రేపుతున్నా..

7294. వలపు కెరటమయ్యింది..తీరంలో ఉన్నది నువ్వని తెలిసే..

7295. పచ్చని ఆకయ్యింది కాగితం..నీ కవిత్వాన్ని కోరి..

7296. నీ జ్ఞాపకాలు కోయిలలే..ఇన్ని పాటలుగా నే అనుకరించినందుకు..

7297. అన్నీ అలతి పదాలే..కొన్ని అక్షరాల సంగమాలు..

7298. శరీరానికి గాయమవడం గుర్తులేదు..మనసు మరణించినట్టు తెలుస్తున్నా..

7299. సమయం మించిపోయింది..కొన్ని స్వప్నాలు సగంలోనే ఆగినట్టు..

7300. కదిలే కాలానికే తెలియాలి..ఆగలేని తొందర అదేంటోనని..

7101 - 7200

7101. తొలి తారను నేనే..నీ మనసో ఆకాశమంత విశాలమైతే..

7102. నిశ్శబ్దమూ పాడగలదు..దాని సాహిత్యాన్ని పోల్చుకోవాలంతే..

7103. వెలుతురు చూడని చీకటది..అందుకే నలుపుగా మిగిలింది..

7104. ఎన్ని కలలో ఈనాడు..నిన్న కలవరింతలు అనుకున్నవి..

7105. మనసంతా గుసగుసలు..నువ్వు నన్ను తలుస్తున్న ఆనవాళ్ళు..

7106. సముద్రమంత కన్నీళ్ళు..నువ్వు దూరమైన నా కన్నుల్లో..

7107. మేఘమెటు వలసపోయిందో..వేసవి గాలుల పలకరింతకి..

7108. ఆకుమాటు పువ్వును నేనే..నీతో దోబూచులాడుతున్నప్పుడు..

7109. కెరటాల్లా నాలో కోరికలవెల్లువలు..నీ మనసు నాదైనట్టు..

7110. ఆవేదన నిజమయ్యింది..మనసు కలని కాదనలేనట్టు..

7111. ఎన్ని తలపులో..ఒకదాని వెంట ఒకటిగా నీలా అనుసరిస్తూ..

7112. ఎన్నడుగులేసానో నీతో..సప్తపదిని లెక్కించకుండానే..

7113. మౌనం మధురమే..నా మది లోలకమై నీకోసమూగుతుంటే..

7114. ఎన్ని సిద్ధాంతాలో శాంతి కోసం..రాద్దాంతాన్ని మాత్రం ఆపకుండా..

7115. ఆకాశాన్ని కొలవాలనుకున్నా..ఆనందం ఎగిసిందని..

7116. ఊగిసలాడుతూ ప్రాణం..మరో జన్మంటేనే భయపడుతూ..

7117. జ్ఞాపకాలు గుప్పెడే..గుండెనంతా ఆక్రమిస్తూ

7118. పలుకే బంగారమన్నావుగా..మౌనం ముత్యమంటూ ఇప్పుడెందుకిలా..

7119. ఆసాంతం చదవాలనుంది..నువ్వు ఇష్టమైన పుస్తకమయ్యావుగా..

7120. దాహం తీరలేదంటూ కన్నులు..నీ దర్శనమవ్వలేదని..

7121. జతగా రమ్మంటున్నా..నువ్వులేని పాట సగంలో ఆగిందని..

7122. చూపులవిందుకు రమ్మంటావేం..మనసొద్దని వారిస్తున్నా.

7123. నీ పలకరింత కావాలిప్పుడు..ఈ చీకటి వెన్నెలవ్వాలంటే..

7124. ఎక్కడని వెతకాలో నిన్ను..నాలో తప్పిపోతూ నువ్వుంటుంటే..

7125. కొనసాగుతున్న సంతోషం..నిన్ను గెలిపించానన్న తృప్తిలో..

7126. ఏకాంతమలా ముగిసింది..విషాదమొకటి మనల్ని వేరు చేయగానే..

7127. కలుపుకున్నా చెలిమి నీతో..తలుపుచాటు పిలుపుకని వేచున్నావనే..

7128. గాలెందుకో రంగు మారినట్టుంది..చీకటిలో కలిసిపోయేందుకేమో..

7129. వసంతానికి తొందరెక్కువే..వనమంతా విరబూయాలని..

7130. కోరికలెన్ని రంగులో..ఇంద్రథనస్సుని తనతో పోల్చుకుంది మనసందుకే..

7131. నీటిబుడగేం కాదు ప్రేమ..అరక్షణంలో పగిలి కరిగేందుకు..

7132. అనుభూతులన్నీ నీ పరమే..ఇన్ని అనుభవాలు పంచిచ్చావని..

7133. మనసలా ఎగురుతోంది..తూనీగలా స్వేచ్ఛని అనుభవించాలని..

7134. నక్షత్రం తూలిపడబోయింది..గాలేం తాగి చీకటిని తరిమిందో..

7135. పువ్వులనదిలా నువ్వు..ప్రవహించేందుకు పిలుస్తావెందుకో నన్ను..

7136. మనసు బరువెక్కుతోంది..బంధం వదులవగానే..

7137. వద్దన్నా నవనీతంలో ముంచుతావు..వన్నెలకు మెరుపొస్తుందంటూ నీవు..

7138. నువ్వొచ్చిన కలే..ఎన్నేళ్ళయినా ప్రియమైనది..

7139. అనురాగాన్ని ఆలకించా..నీ భావంలో నే వినబడ్డానని..

7140. మౌనరాగం కదా నాది..నీ మనసుకెలా వినబడిందో..

7141. ఊగుతున్నా నీ తలపుల్లోనే..సమయాలన్నీ ఏకం చేస్తావని..

7142. సన్నాయిరాగమే నేనంతా..నీ ప్రణయానికి కానుకగా అవ్వాలనే

7143. తొంగిచూడాలనుకోలేదు గతంలోకి..వర్తమానానికి నువ్వున్నావనే..

7144. పదాల్లో వసంతమొచ్చింది..నీరాక చైత్రసంగీతమైనందుకే..

7145. నవ్వుతూ నాలుగు మాటలు..నీరెండగా సేదతీర్చు హృదయాల్ని..

7146. మనసు పరవశమది..పరిమళిస్తున్న మాయగా నీచుట్టూ అల్లుకుంది..

7147. లెక్కలు రావంటావు..నిముషాల్ని నిలబెట్టి గంటలుగా మార్చుకుంటూ..

7148. ప్రేమ మధురమంతే..మనసు పడ్డదందుకే..

7149. మనసంతా కవ్వింత..నీ తలపులతో మొదలైందిలా కేరింత..

7150. చూపుల చేవ్రాలు రాస్తున్నా..మనసు నీకందించాలని..

7151. శ్వాసించక తప్పలేదు ఆశని..నిట్టూర్చిన నిరశను సాగనంపాక..

7152. జగమంతా ప్రేమమయమే..నువ్వూ నేనూ ఒక్కటైన సంతోషమిది..

7153. పాటల పల్లకీలో ఊరేగుతున్నా..తన్మయత్వాన్ని రాసింది నువ్వనే..

7154. తలపునందుకే మూసేసా..వలపెటూ దక్కదని..

7155. కలలకు కొదవేముంది..కనులకు కలతలే కానుకై కుమిలిపోతున్నా..

7156. మనసుకి పన్నీరే..జ్ఞాపకాల వర్షమెప్పుడూ..

7157. మెత్తగా కురుస్తోంది వెన్నెల..దిగులు మేఘాలను దాటేసినట్టుంది..

7158. నిదురించాలనుంది..నీకిష్టమైన కలలోకి ఒక్కసారైనా రావాలని..

7159. విజయం తథ్యమనిపిస్తుంది..ప్రయత్నమంటూ మొదలెట్టాననే..

7160. చరిత్రను తిరగ రాయాలనుంది..ప్రతివారూ చదివి తీరాలనే..

7161. భావమలా కుదురుతుంది..నిన్ను రాయాలని కలం పట్టగానే..

7162. కలలతో పన్లేకపోయింది..నీ కన్నులంతా నే నిండిపోయానని..

7163. కలనందుకే తొడుక్కుంటున్నా..విషాదాన్ని దూరం పెట్టాలని..

7164. పాపగా మారిందో పాట..అమ్మ నోట పలికిందనే..

7165. చుక్కల లోకంలో నేను..జాబిలిగా నన్ను ఆరాధించావని..

7166. తపనలా తీరిపోయింది..తలపు నిజమై ఒడి నిండగానే..

7167. ఆలంబనవుతాలే..అసంకల్పితంగానైనా నన్ను చేరావంటే..

7168. సంతోషం నిరంతరం..నీ ప్రేమ నాదైన క్షణాల నుంచీ..

7169. కలలేవీ ఎంచకు..కనులు ముచ్చటపడ్డందుకైనా..

7170. మనసు జారిన ముచ్చటది..సిగ్గుగా కన్నుల్లో దాక్కుంటూ..

7171. నేనో నిశీధి కన్యనే..రేయంతా పరవశాలు నీకందిస్తూ..

7172. పూలరెక్కలా తేలుతూ నీవైపొస్తున్నా..గాలితో కబురెట్టావనే..

7173. అందం చిదుముకుంది చెలి ..చందమామ దాన్ని నేర్వలేకుంది..

7174. మనసుకి మరుపు రానీయకు..నన్ను గతమంటే నేనోర్వలేను..

7175. కనుమరుగే కలతీనాడు..నీ కన్నుల్లో నన్ను కొలువుంచావని..

7176. నవ్వొక వరమైంది..నీ మనసు నాపరం చేసింది..

7177. మల్లిక పరిమళిస్తుంది..నీ మనసుని పోలి ఉందని..

7178. నీ నవ్వే..జ్ఞాపకముగా నాకిప్పుడు..

7179. కనుసైగలింక చేయకు..నిద్దుర మరలిపోయేట్టుంది..

7180. అనివార్యమైంది అహం..నేనంటే నేననుకున్న భ్రమలో..

7181. నీ మాటల గమ్మత్తది..పగలే పండువెన్నెల కాసినట్టు..

7182. మనసు గలగలలవి..పక్షుల కూజితాలుగా..

7183. ఆనందం హద్దు మీరింది..నాలో పులకింతలు మొదలైనందుకే..

7184. అలల్లాంటివే నీ వలపులు..నా మనసొడ్డుని తడిమేస్తూ..

7185. మనదో జగం..అక్కడంతా ప్రేమమయం..

7186. నేనో అపార్ధాన్నవుతున్నా..అపాత్రదానం చేసినందుకేమో..

7187. నాలో మొదలైన కువకువలు..నీ మాటల గలగలలకే..

7188. కన్నీటి కథనే..నన్ను రాయలేని నీ హృదయానికి..

7189. మనసు నిద్దుర లేచింది..నీ చూపులు గుచ్చినందుకేమో..

7190. గమ్యం స్పష్టమయ్యింది..జీవితాన్ని గెలవాలనుకోగానే..

7191. కొందరి కష్టాలంతే..జీవితాన్ని మింగేస్తుంటాయి..

7192. నువ్వు మౌనవిస్తేనేమి..నే మనసునైతే గెలుచుకున్నాగా..

7193. ఎండ చురక సరిపోలేదనుకుంటా..మనసు మండలేదనుకుంటూ..

7194. అక్షరమెప్పుడూ ముందుంటుంది..ఆయాసమంటూ తెలియదంటూ..

7195. అక్షరానికలుపేముంది..వికారాలు మనిషి నైజమైనా..

7196. కలలోనూ కవితలు రాస్తున్నా..నిదురనైనా నువ్వు చదువుతావని..

7197. కానుక చేసి దాచుకున్నా..నీ మనసందం నచ్చిందని

7198. అలా ముగిసింది కల..కలతను కాదనుకున్నా కనుకనే..

7199. ఎదలోని ఆవేదనది..వర్షాకాలంలో నదిలా పారుతుందది..

7200. అపురూపమయ్యా నేను..తన మది అలౌకికమైంది కనుకనే..